20200310586

СОБРАНИЕ НА РЕПУБЛИКА СЕВЕРНА МАКЕДОНИЈА

Врз основа на членот 75, ставови 1 и 2 од Уставот на Република Северна Македонија, претседателот на Република Северна Македонија и претседателот на Собранието на Република Северна Македонија издаваат

УКАЗ ЗА ПРОГЛАСУВАЊЕ НА ЗАКОНОТ ЗА ИЗМЕНУВАЊЕ НА ЗАКОНОТ ЗА ИНДУСТРИСКАТА СОПСТВЕНОСТ

Се прогласува Законот за изменување на Законот за индустриската сопственост,

што Собранието на Република Северна Македонија го донесе на седницата одржана на 4 февруари 2020 година.

ЗАКОН ЗА ИЗМЕНУВАЊЕ НА ЗАКОНОТ ЗА ИНДУСТРИСКАТА СОПСТВЕНОСТ

Член 1

Во Закон за индустриската сопственост („Службен весник на Република Македонија“ брoј 21/2009, 24/11, 12/14, 41/14, 152/15, 53/16 и 83/18), членот 321 се менува и гласи:

„(1) Глоба во износ од 50 до 1.000 евра во денарска противвредност ќе му се изрече за прекршок на правното лице, кое е микро трговец доколку:

1) неовластено се занимава со застапување на правни и физички лица (членови 22 и 279);

2) неовластено користи пријавен или заштитен пронајдок (член 291 став (2));

3) неовластено користи или имитира пријавен или заштитен индустриски дизајн (член 291 став (2));

4) неовластено користи или имитира пријавена или заштитена трговска марка (член 291 ставови (2) и (3)) и

5) неовластено користи или имитира добро позната трговска марка (член 291 ставови (2) и (3)).

(2) Глоба во износ од 100 до 2.000 евра во денарска противвредност ќе му се изрече на правното лице, кое е мал трговец за прекршокот од ставот (1) на овој член.

(3) Глоба во износ од 250 до 6.000 евра во денарска противвредност ќе му се изрече на правното лице, кое е среден трговец за прекршокот од ставот (1) на овој член.

(4) Глоба во износ од 500 до 10.000 евра во денарска противвредност ќе му се изрече на правното лице, кое е голем трговец за прекршокот од ставот (1) на овој член.

(5) Глоба во износ од 50 до 500 евра во денарска противвредност ќе му се изрече на одговорното лице во правното лице за прекршок од ставот (1) на овој член.

(6) Глоба во износ од 15 до 250 евра во денарска противвредност ќе му се изрече на физичкото лице за прекршок од ставот (1) на овој член.

(7) За прекршоците од ставот (1) на овој член, на правното лице кое е микро трговец, правното лице кое е мал трговец, правното лице кое е среден трговец, правното лице кое е голем трговец, одговорното лице во правното лице и физичкото лице, Државниот пазарен инспектор ќе му издаде прекршочен платен налог.

(8) По приемот и потпишувањето на прекршочниот платен налог, сторителот на прекршокот е должен да ја плати изречената глоба согласно со ставовите (1), (2), (3), (4), (5) и (6) на овој член, во рок од осум дена од приемот на прекршочниот платен налог на сметката означена во платниот налог.

(9) Сторителот на прекршокот кој ќе ја плати глобата во рокот од ставот (8) на овој член, ќе плати половина од изречената глоба, за кое право се поучува во правната поука.

(10) Во постапката која ќе заврши со плаќање на прекршочен платен налог не се плаќаат трошоци на постапката.

(11) Ако сторителот на прекршокот не ја плати глобата во рокот од ставот (8) на овој член, државниот пазарен инспектор поднесува барање за поведување на прекршочна постапка пред надлежниот суд.

(12) Покрај глобата од ставовите (1), (2), (3) и (4) на овој член, на правното лице му се изрекува прекршочна санкција забрана за вршење дејност од една до две години.

(13) Покрај глобата од ставот (5) на овој член, на одговорното лице во правното лице му се изрекува санкција забрана за вршење професија, дејност или должност во траење до една година.

(14) Покрај глобата од ставот (6) на овој член на физичкото лице му се изрекува санкција забрана за вршење професија, дејност или должност во траење до една година.

(15) За сите прекршоци од членот 318 на овој закон и ставот (1) на овој член, на правното лице кое е микро трговец, правното лице кое е мал трговец, правното лице кое е среден трговец, правното лице кое е голем трговец, одговорното лице во правното лице и физичкото лице, ќе им се изрече посебна санкција за одземање предмети.

(16) Доколку се утврди дека прекршоците од ставот (1) на овој член се сторени од организирана група лица, составена од најмалку три лица, надлежниот суд може да изрече глоба во трикратен износ.

(17) При повторување на прекршоците од ставот (1) на овој член, надлежниот суд може да изрече глоба во петкратен износ.

(18) За прекршоците од ставот (1) на овој член со кои се предизвикува поголема имотна штета, во сразмер со висината на причинетата штета или прибавената корист, надлежниот суд може да изрече глоба до дваесеткратен износ од утврдената штета.“.

Член 2

Членот 322 се менува и гласи:

„(1) Глоба во износ од 50 до 1.000 евра во денарска противвредност ќе му се изрече за прекршок на правното лице, кое е микро трговец доколку:

1) неовластено користи ® за трговска марка што не е регистрирана;

2) неовластено користи или имитира заштитен географски назив (член 291 став (2)) и

3) на барање на носителот на правото не ги доставил документите и податоците во врска со повреда (членови 297 став (2) и 314).

(2) Глоба во износ од 100 до 2.000 евра во денарска противвредност ќе му се изрече на правното лице, кое е мал трговец за прекршокот од ставот (1) на овој член.

(3) Глоба во износ од 250 до 6.000 евра во денарска противвредност ќе му се изрече на правното лице, кое е среден трговец за прекршокот од ставот (1) на овој член.

(4) Глоба во износ од 500 до 10.000 евра во денарска противвредност ќе му се изрече на правното лице, кое е голем трговец за прекршокот од ставот (1) на овој член.

(5) Глоба во износ од 50 до 500 евра во денарска противвредност ќе му се изрече на одговорното лице во правното лице за прекршок од ставот (1) на овој член.

(6) Глоба во износ од 15 до 250 евра во денарска противвредност ќе му се изрече на физичкото лице за прекршок од ставот (1) на овој член.

(7) За прекршоците од ставот (1) на овој член на правното лице кое е микро трговец, правното лице кое е мал трговец, правното лице кое е среден трговец, правното лице кое е голем трговец, одговорното лице во правното лице и физичкото лице, Државниот пазарен инспектор ќе му издаде прекршочен платен налог.

(8) По приемот и потпишувањето на прекршочниот платен налог, сторителот на прекршокот е должен да ја плати изречената глоба согласно со ставовите (1), (2), (3), (4), (5) и (6) на овој член, во рок од осум дена од приемот на прекршочниот платен налог на сметката означена во платниот налог.

(9) Сторителот на прекршокот кој ќе ја плати глобата во рокот од ставот (8) на овој член, ќе плати половина од изречената глоба, за кое право се поучува во правната поука.

(10) Во постапката која ќе заврши со плаќање на прекршочен платен налог не се плаќаат трошоци на постапката.

(11) Ако сторителот на прекршокот не ја плати глобата во рокот од ставот (8) на овој член, државниот пазарен инспектор поднесува барање за поведување на прекршочна постапка пред надлежниот суд.“.

Член 3

Членот 322-а се менува и гласи:

„(1) Државните пазарни инспектори се должни да водат евиденција за издадените прекршочни платни налози и за исходот на покренатите постапки.

(2) Во евиденцијата од ставот (1) на овој член се собираат, обработуваат и чуваат следниве податоци име и презиме, односно назив на сторителот на прекршокот, живеалиште, односно престојувалиште, седиште, вид на прекршокот, број на прекршочниот платен налог кој му се издава и исходот на постапката.

(3) Личните податоци од ставот (2) на овој член се чуваат пет години од денот на внесување во евиденцијата.

(4) Формата и содржината на прекршочниот платен налог ја пропишува министерот за економија.“.

Член 4

Членот 322-б се брише.

Член 5

Во членот 322-в зборовите: „правното лице, односно на трговецот поединец“ се заменуваат со зборовите: „правното лице кое е микро трговец, правното лице кое е мал трговец, правното лице кое е среден трговец, правното лице кое е голем трговец, одговорното лице во правното лице и физичкото лице.“.

Член 6

Овој закон влегува во сила осмиот ден од денот на објавувањето во „Службен весник на Република Северна Македонија“.