превземено од w w w . p r a v o . o r g . m k
Во Законот за авторското право и сродните права („Службен весник на Република
Македонија“ брoj 115/10, 51/11 и 147/13) по членот 1 се додаваат нов наслов и нов член 1-а, кои гласат:
„Јавност и јавно користење
(1) Јавност, во смисла на овој закон опфаќа поголем број лица надвор од потесниот круг на роднини или лични познанства.
(2) Јавно користење означува секое користење на авторското дело, односно на
предметот на сродните права, достапно на јавноста или користење на авторско дело односно предмет на сродните права во простор до кој јавноста има пристап, како и овозможување на достапност на припадник на јавноста до авторско дело односно предмет на сродните права во време и место кое самиот ќе го избере.“
Насловот пред членот 2 се менува и гласи:
„Објавување и издавање“.
Во член 2 ставот (1) се брише.
Ставовите (2) и (3) стануваат ставови (1) и (2).
Во членoт 137 став (1) точка 3) по зборовите: „од видот на авторското дело, односно предметот на сродните права“ се додаваат зборовите: „и во зависност од
видот на програмата, односно сегментот на програмската шема на радио-
телевизиската организација, согласно прописите со кои се уредува вршењето на аудио и аудиовизуелните медиумски услуги“.
По точката 3) се додаваат три нови точки 4), 5) и 6) кои гласат:
„4) Во случаите од точката 3) на овој член за организации кои вршат колективно управување со авторски музички права надоместокот на годишно ниво не може да
изнесува повеќе од:
-18 месечни просечни плати исплатени во Република Македонија во претходната година за тековната година за Јавното-радиодифузно претпријатие- Македонската радио-телевизија и за радио-телевизиските организации кои емитуваат програмски сервиси на државно ниво,
-12 месечни просечни плати исплатени во Република Македонија во претходната година за тековната година за радио-телевизиските организации кои емитуваат
програмски сервиси на регионално ниво, во зависност од подрачјето на регионот
за кое е издадена дозволата за емитување,
-6 месечни просечни плати исплатени во Република Македонија во претходната година за тековната година за радио-телевизиските организации кои емитуваат
програмски сервиси на локално ниво.
5) Во случаите од точката 3) на овој член за организации кои вршат колективно управување на правата на произведувачи на фонограми и уметниците музички
изведувачи, надоместокот на годишно ниво не може да изнесува повеќе од:
1
превземено од w w w . p r a v o . o r g . m k
-12 месечни просечни плати исплатени во Република Македонија во претходната година за тековната година за Јавното-радиодифузно претпријатие- Македонската радио-телевизја и за радио-телевизиските организации кои емитуваат програмски сервиси на државно ниво,
- 4 месечни просечни плати исплатени во Република Македонија во претходната година за тековната година за радио-телевизиските организации кои емитуваат
програмски сервиси на регионално ниво, во зависност од подрачјето на регионот
за кое е издадена дозволата за емитување,
- 2 месечни просечни плати исплатени во Република Македонија во претходната година за тековната година за радио-телевизиските организации кои емитуваат
програмски сервиси на локално ниво.
6) кога користењето на авторското дело односно предметот на сродните права се врши од страна на непрофитна радио-телевизиска организација, надоместот за
користењето не се плаќа;“.
Точките 4), 5), 6), 7) и 8) стануваат точки 7), 8), 9), 10) и 11).
Во точката 4) која станува точка 7) зборовите: „вокално и/или вокално-
инструментални музички дела на македонски јазик или на јазиците на припадниците на заедниците кои не се мнозинство во Република Македонија“ се
заменуваат со зборовите: „инструментална музика од македонски автори и автори
на припадниците на заедниците кои не се мнозинство во Република Македонија, вокална и/или вокално-инструментална музика на македонски јазик или на јазиците на припадниците на заедниците кои не се мнозинство во Република Македонија“.
По точката 8) која станува точка 11) се додава нова точка 12) која гласи:
„12) По исклучок од точката 11) на овој став не се плаќа надомест за користење
на авторското дело односно предметот на сродните права во:
- простории во кои занаетчиска дејност врши физичко лице-занаетчија регистриран во Регистарот на занаетчии,
- музеи, галерии, и други простории во кои се врши организирање и јавно
изложување на оригинали или примероци на дела од ликовната и применетата уметност, оригинали на книжевни или музички дела и други уметнички предмети,
- одморалишта и планинарски домови,
- трговски и други производствени погони и
- превозни средства во јавен линиски превоз на патници и авто-такси превоз на патници.
Во членот 182 став (1) зборовите: „од 10.000 до 15.000“ се заменуваат со зборовите: „од 5.000“, а по зборовите: „правното лице“ се додаваат зборовите:
„односно трговец поединец“. Ставот (2) се менува и гласи:
„ Глоба во износ од 30% од одмерената глоба за правното лице, односно
трговецот-поединец ќе му се изрече за прекршокот од ставот (1) на овој член на одговорното лице во правното лице, односно одговорното лице во трговецот поединец.“
Ставот (3) се брише.
Во ставот (4) кој станува став (3) зборовите: „3.000 до 4.000“ се заменуваат со зборовите: „500 до 750“.
Ставовите (5) и (6) кои стануваат ставови (4) и (5) се бришат.
Во членот 183 став (1) зборовите: „од 20.000 до 30.000“ се заменуваат со зборовите: „од 5.000“.
Ставот (2) се менува и гласи:
2
превземено од w w w . p r a v o . o r g . m k
„Глоба во износ од 30% од одмерената глоба за правното лице ќе му се изрече за прекршокот од ставот (1) на овој член на одговорното лице во правното лице.“
Во членот 184 став (1) зборовите: „од 20.000 до 50.000“ се заменуваат со зборовите: „од 5.000“.
Ставот (2) се менува и гласи:
„Глоба во износ од 30% од одмерената глоба за правното лице ќе му се изрече за прекршокот од ставот (1) на овој член на одговорното лице во правното лице.“
Во членот 185 став (1) зборовите: „од 10.000 до 15.000 “ се заменуваат со зборовите: „од 5.000“.
Ставот (2) се менува и гласи:
„Глоба во износ од 30% од одмерената глоба за правното лице ќе му се изрече за прекршокот од ставот (1) на овој член на одговорното лице во правното лице.“
Во член 186 зборовите: „7.500 до 15.000 “ се заменуваат со зборовите: „700 до
1.000“.
Во членот 187 зборовите: „7.500 до 15.000“ се заменуваат со зборовите: „1.500 до 2.000“.
По членот 187 се додаваат нов наслов и нов член 187-a кои гласат:
“Oдмерување на висината на глобата за правно лице
Oдмерувањето на висината на глобата за правно лице, оносно трговец поединец се врши согласно со Законот за прекршоците.“
Организациите за колективно управување со авторското право и сродните права се должни да ги усогласат тарифите во рок од три месеци од денот на отпочнувањето на примената на одредбата од членот 4 од овој закон.
Организациите за колективно управување со авторското право и сродните права кои во рокот утврден со член 30 од Законот за изменување и дополнување на Законот за авторското право и сродните права („Службен весник на Република Македонија“ број 147/13) не го обезбедиле системот за електронска евиденција, се должни истиот да го обезбедат најдоцна до 30 септември 2015 година.
Доколку организациите од ставот (2) на овој член не го обезбедат системот за електронска евиденција во рокот од став (2) на овој член, Министерството за култура со решение ќе ја одземе дозволата за колективно управување.
3
npes3eMeHo OtJ. w w w. p ra v o.o rg. m k
0BOj 3aKOH BneryBa BO Clllna CO AeHOT Ha o6jaByBal-beTO BO ,CJly>K6eH BeCHIIIK Ha Peny6nl11Ka MaKeAOHlllja", OCBeH OApeA6aTa OA 4neHOT 4 OA OBOj 3aKOH KOja Ke OTn04He Aa ce npliiMeHyBa OA 1OKTOMBplll 2015 rOAIIIHa.
4