20180831500

СОБРАНИЕ НА РЕПУБЛИКА МАКЕДОНИЈА

Врз основа на членот 75 ставови 1 и 2 од Уставот на Република Македонија, претседателот на Република Македонија и претседателот на Собранието на Република Македонија издаваат

УКАЗ ЗА ПРОГЛАСУВАЊЕ НА ЗАКОНОТ ЗА ИЗМЕНУВАЊЕ И ДОПОЛНУВАЊЕ НА ЗАКОНОТ ЗА ИНДУСТРИСКАТА СОПСТВЕНОСТ

Се прогласува Законот за изменување и дополнување на Законот за индустриската сопственост,

што Собранието на Република Македонија го донесе на седницата одржана на 3 мај 2018 година.

ЗАКОН ЗА ИЗМЕНУВАЊЕ И ДОПОЛНУВАЊЕ НА ЗАКОНОТ ЗА ИНДУСТРИСКАТА СОПСТВЕНОСТ

Член 1

Во Законот за индустриската сопственост („Службен весник на Република Македонија“ број 21/2009, 24/11, 12/14, 41/14, 152/15 и 53/16), во членот 10 став (5) точка 5) во алинејата 5 сврзникот „и“ се заменува со сврзникот „или“.

По алинејата 5 се додава нова алинеја 6, која гласи:

„- АПТИС (АPTIS) - најмалку ниво Б2 (B2).“.

Точката 6) се брише.

Член 2

Одредбите од членот 10 став (5) точка 5) од Законот за индустриската сопственост („Службен весник на Република Македонија“ број 21/2009, 24/11, 12/14, 41/14, 152/15 и 53/16) и одредбите од членот 1 од овој закон со кој членот 10 став (5) точка 5) се дополнува со нова алинеја 6, нема да се применуваат од денот на влегувањето во сила на овој закон до 1 септември 2018 година.

Член 3

Директорот и заменик директорот кои се именувани во периодот од денот на влегувањето во сила на овој закон до 1 септември 2018 година, се должни да го исполнат условот за познавање на англиски јазик најдоцна во рок од една година од денот на нивното именување.

На директорот и заменик директорот кои нема да го исполнат условот за познавање на англиски јазик во рокот утврден во ставот 1 на овој член им престанува мандатот.

Член 4

Овој закон влегува во сила осмиот ден од денот на објавувањето во „Службен весник на Република Македонија“.