KO E LAO KE FAKATONUTONU ‘A E LAO KI HE
NGAAHI KOLOA ‘A E NGAAHI NGAUE‘ANGA 1994
‘OKU TU‘UTU‘UNI ‘e he Tu‘i mo e Fale Alea ‘o Tonga ‘i he Fakataha Alea ‘a e Pule‘anga ‘o pehe: 1. (1) ‘E ui ‘a e Lao ni ko e Lao (Fakatonutonu) ki he Ngaahi Koloa ‘a e
Ngaahi Ngaue‘anga 1999. (2) ‘Oku ui ‘e he Lao ni ‘a e Lao ki he Ngaahi Koloa ‘a e Ngaahi
Ngaue‘anga 1994 ko e Tefito‘i Lao. 2. ‘Oku fakatonutonu ‘a e kupu 46 ‘o e Tefito‘i Lao-
(1) ‘aki hono fakahu atu ‘a e kupusi‘i fo‘ou ko ‘eni ke kupusi‘i (1A): "(1A) Neongo ‘a e kupusi‘i (1), ‘oku lau ‘oku kamata ngaue‘aki
‘a e Lao ki he Lesisita ‘o e Faka‘ilonga ke Fakatau ‘o e Pule‘anga Fakatahataha ‘o Pilitania mei he ‘aho 31 ‘o Sanuali 1997 kae‘oua ke fanongonongo ‘e he Minisita ‘i he Kasete ha ‘aho ‘e toki kamata ngaue‘aki ai ‘a e ngaahi tu‘utu‘uni ‘i he Lao ni."
(2) ‘i he kupusi‘i (2): (a) ‘aki hono tamate‘i ‘a e ongo koma mo e ngaahi fo‘i lea ", ‘i
he ‘aho ‘oku fakahoko ai ‘a e Lao ni," ‘i he laine 1; (b) ‘aki hono tamate‘i ‘a e fo‘i lea "‘a e Lao ni" ‘i he laine 5 pea
fetongi ‘aki ‘a e ngaahi fo‘i lea "ha ngaahi tu‘utu‘uni ‘e fa‘u ‘i he Lao ki he Lesisita ‘o e Faka‘ilonga ke Fakatau ‘o e Pule‘anga Fakataha ‘o Pilitania".
Na‘e fakahoko ‘i he Fale Alea ‘i he ‘aho 1 ‘o Siulai, 1999.
‘Oku ou loto ki ai,
TAUFA‘AHAU TUPOU IV,
11 ‘o ‘Aokosi, 1999.
Tonga. Fika 6 ‘o e 1999.
[1 ‘o Siulai, 1999].